Свято-Троицкий Ионинский монастырь
обитель пещеры издательство фотогалерея вопрос священнику

Обитель

История

История до революции
Монастырь в советские годы
Возрождение обители

О монастыре

Преподобный Иона
Наш храм
Икона Божией Матери Троеручица

Наши праздники

Троица
Преставление преподобного Ионы

Клирос

Праздничный хор
Братский хор
Детский хор
Курсы чтецов
Аудиозаписи

Школы

Взрослая школа
Детская школа
Молодежка
Клиросная
Писательские курсы
Работа с глухими прихожанами
Братство
Библиотека
Детский туристический клуб

Паломничество

Проезд
Адрес

Молитвы

Тексты праздничных служб
Акафист преподобному Ионе
Службы прп. Ионе

Скит

Свято-Преображенский скит

Новости

Новости
Расписание богослужений
Расписание теле- и радиопередач
Жертвователям
Трансляция богослужения

Карта сайта


Наша кнопка:

Получить HTML-код

Проекты монастыря:

Аудиотрансляция монастырских служб
Тексты служб с переводом и изъяснением. Общество им. Скабаллановича
Сайт зверинецких пещер
Нещеровский Спасо-Преображенский монастырь
Ольшанский
женский монастырь
Покров
Молодость не равнодушна
Отрок.ua - Православный журнал для молодёжи
Журнал «Фамилия»
Певческая школа при Св.Троицком Ионинском монастыре

 

пиротехника киев | За небольшую оплату искусственный пруд для всех и каждого.

Обитель »» Акафист преподобному Ионе

Акафист преподобному Ионе

Кондак 1

Избранный угодниче Христов и Чудотворче, преподобне отче Ионо, возсиявый мирови, яко звезда богосветлая, жития твоего добротою и множеством чудотворений, восхваляем тя любовию в песнех духовных: ты же, яко имеяй дерзновение ко Господу, молитвами твоими от всяких нас бед свободи, да зовем ти: Радуйся, преподобне отче наш Ионо, града Киева похвало и украшение!

Икос 1

Ангельский нрав имел еси, отче преподобне, и яко безплотный, непорочно житие совершил еси на земли, дивный образ совершенства духовнаго нам оставив, да подражаем добродетелем твоим, и зовем ти сице: Радуйся, цвете благоуханный добраго воспитания: радуйся, сосуде Божественнаго избрания: Радуйся, яко любезная и красная мира сего презрел еси: радуйся, яко небесных и нетленных, желанием вожделел еси: Радуйся, волею твердою воли своея отрекийся: радуйся, отсечением страстей угодивый Богу и спасыйся: Радуйся, преподобне отче наш Ионо, града Киева похвало и украшение!

Кондак 2

Видя Господь душу твою, яко ниву благовозделанную к плодоносию духовному, от юности к исканию единаго на потребу, направи твой помысл, преподобне, темже любве ради Христовы, родителей твоих и дом отеческий оставил еси, и всякаго пристрастия суетного свободився, притекл еси в пустынь Саровскую под крыле Серафима преподобнаго, на подвиги иноческия, зовый спасающему тя Богу: Аллилуйя.

Икос 2

Разумом богопросвещенным постигл еси суету мира сего и непостоянство, в немже радость сменяется скорбию, благополучие наветуется нечаянными бедами. Темже вечных нетленных благ возжелел еси, отче преподобне, и сия взыскати потщался еси отречением мирских благ, и вольною нищетою, подвигая нас звати тебе: Радуйся, тесный путь спасения от юности возлюбивый: радуйся, ярем Господень на выю свою возложивый: Радуйся, священными обеты волю свою связавый: радуйся, себе и весь живот свой Господеви предавый: Радуйся, коемуждо во благо усердный служителю: Радуйся, болящих и немощных успокоителю: Радуйся, преподобне отче наш Ионо, града Киева похвало и украшение!

Кондак 3

Силою Всевышняго осененный и укрепляемый, в иночестем пострижении власов главы твоея, все плотское мудрование отложил еси, преподобне, и яко воин благоискусный, одежду иноческую в броню спасения стяжав, и непобедимым оружием Креста Христова вооружився, крепко ратовал еси противу врага невидимаго диавола, смирением глубоким побеждая его вознесенную гордыню, и выну вопия ко Господу: Аллилуйя.

Икос 3

Имея слез источник изобильный, угодниче Божий, и умиления велию благодать, хлеб твой слезами орошал еси, и питие плачем растворял, от преизбытка желания божественнаго и любве ко Господу. Темже и мы ублажаем тя звании сими: Радуйся, помыслы плотския силою молитвы прогоняяй: радуйся, сомнящихся в вере словом Божиим утверждаяй: Радуйся, лишении телесными многа блага духовная собравый: радуйся, нищетою дарования небесная стяжавый: Радуйся, молчания изрядный хранителю: Радуйся, преподобне отче наш Ионо, града Киева похвало и украшение!

Кондак 4

Буря искушений и устремлений диавольских не возможе поколебати храмины твоея душевныя, преподобне отче, основана бо бе на твердом камени веры во Христа, и хранима трезвением и молитвами непрестанными, имиже выну противоборствовал еси врагу спасения человеческаго, и непреткновенно восходил еси по стезям добродетелей к совершенству духовному в меру возраста Христова, воспевая Богу: Аллилуйя.

Икос 4

Слышаша, преподобне отче Ионо, ближнии и дальнии ангелоподобное твое житие, и благодати чудес струю выну текущую, яко молитвою твоею прокаженнии очищаются, слепии прозирают, хромии ходят и разнообразных недуг с верою притекающии, аще и иноверцы, здравие улучают, сих избавльшеся вопияху к тебе таковая: Радуйся, болящым, яко братии Христовой, служителю: радуйся, высоких подвигов жития христианскаго ревнителю: Радуйся, новоначальных искусный руководителю: радуйся, неизменное правило поста и смирения: Радуйся, умирающыя возставляяй на покаяние: радуйся, всем внушаяй Жизни Вечныя взыскание: Радуйся, преподобне отче наш Ионо, града Киева похвало и украшение!

Кондак 5

Боготечная пресветлая звезда явился еси, преподобне отче наш Ионо, небо церковное украшаяй и всех блудящих по морю страстнаго жития сего данною тебе от Солнца правды Христа Иисуса, истиннаго Бога, благодатию озаряяй, мрак печалей и мглу всяких недуг и скорбей прогоняяй, наставляеши всех к тебе с верою притекающих на путь спасенный, к вечному Небесному Отечествию ведущий, поющих Богу: Аллилуйя.

Икос 5

Видевше ангельстии чинове равноангельное житие твое, отче богоблаженне, смирения твоего глубину, молитвы неотступность, воздержания твердость и велию ревность духа твоего о чистоте, удивишася и прославиша Человеколюбца Бога, укрепляющаго немощное естество человеческое. Мы же ублажаем тебя и зовем: Радуйся, мирским наставниче жизни богоугодныя: радуйся, основателю обители благоплодныя: Радуйся, яко благая начинания твоя Христос благослови: радуйся, яко сотрудника тебе в лице державнаго яви: Радуйся, общее житие монашествующих основавый: радуйся, тем всеоружие благочестия им подавый: Радуйся, преподобне отче наш Ионо, града Киева похвало и украшение!

Кондак 6

Проповедует мир весь православный тебе, преподобне отче наш Ионо, демонов прогонителя, болезней исцелителя и иных многих чудес совершителя. Мы же, Бога о тебе прославляюще, вопием Ему: Аллилуйя.

Икос 6

Возсиял еси на горах Зверинецких богосветлое светило, и на спасения стезю наставил еси многи души человеческия: яви бо тя Христос наставника и учителя иноком пустыннолюбивым, иже стекахуся тебе, яко овцы к пастырю, могущу упасти их на пажити живоносней. Темже яко сотворившаго и научившаго, чествуем тя сими похвальными словесы: Радуйся, общими труды праздных помыслов шатания упразднивый: радуйся, теми, яко бронею, страстей разжженныя стрелы отразивый: Радуйся, вселивый во обители дух общаго воздержания: радуйся, потребивый в ней плевелы любостяжания: Радуйся, бодрствованию духовному многи иноки научивый: радуйся, до конца жития в труждающихся бывый: Радуйся, преподобне отче наш Ионо, града Киева похвало и украшение!

Кондак 7

Хотя человеколюбивый Господь прославити место сие, яко виноград подвигов твоих, отче посла Пресвятую Владычицу нашу Богородицу благовестити тебе, яко будет в стольном граде Киеве обитель иноком во спасение, украшенная храмом во имя Святыя Тройцы. Ты же, явлением Пречистыя просвещен, с радостным трепетом внимал еси благовестию небесному, зовый во смирении духа Владыце Ангелов и человеков: Аллилуйя.

Икос 7

Новое знамение благоволения Божия даровася тебе, преподобне, егда безмолвствующу ти в Выдубицком монастыре, в нощи свет велий облиста ведомую ти келлию, и Сама Пречистая с сонмом Святых предста пред тобою, мир тебе даруя и повелевая, да устроиши тамо обитель иноческую и в ней храм во имя Святыя Троицы. Дивяся убо сему пречудному трикратному Богоматернему троическому явлению, зовем ти: Радуйся, мудре предначертавый обитель нову: радуйся, поревновавый нищетолюбному житию Христову: Радуйся, святыя храмы во обители создавый: радуйся, мног собор монашествующих собравый: Радуйся, яко труд твой Свыше благословися: радуйся, яко святое желание сердца твоего совершися: Радуйся, преподобне отче наш Ионо, града Киева похвало и украшение!

Кондак 8

Страннолепно явися ти на воздусе Матерь Божия со Апостолы и мученики и преподобными и прочими святыми, указуяй место, на немже храм во имя Живоначальныя Троицы и обитель ову имел еси воздвигнути на горе Зверинецтей, преподобне отче, егоже Божиим поспешением совершив и освятив, со ученики твоими немолчныя хвалы возсылал еси в нем Господеви, зовый: Аллилуйя.

Икос 8

Весь еси любовь неоскудевающая и подвига зерцало нетускнеющее был еси, преподобне Ионо. Видяще же ревностное по Бозе и жестокое житие твое и братии, непрестанно в трудех и пощении подвизающихся и ходящих в рубищных и худых одеждах, нецыи от инок и всякаго чина мирских людей и князей людских не точию сих не отвращахуся, но паче ревностию духовною горяще и во обители купно с ними подвизатися желающе, приношаху ту имения своя на пользу общую: темже здателю тоя возглашаем тако: Радуйся, яко во обители твоей мнози души своя спасоша: радуйся, яко из нея пастыреначальницы изыдоша: Радуйся, благочестивых отрадо и утешение: радуйся, колеблющихся в вере твердое ограждение: Радуйся, отчаявающихся утверждаяй во уповании: радуйся, просветивый многих святыми писании: Радуйся, преподобне отче наш Ионо, града Киева похвало и украшение!

Кондак 9

Всякое естество ангельское и подвижников множество удивишася смирению и человеколюбию твоему, отче наш Ионо, егда, архимандритства Межигорскаго послушание восприяв, Феодосию игумену Печерскому, яко житий общих на Руси учредителю уподобился еси. И о братии святыя обители сея, яко о чадех Божиих, попечение не оставивый, Богу, любящему всякое свое создание, о тех взывал еси: Господи, посли Духа Святаго Твоего и утеши скорбныя души рабов Твоих сих. Тако бо во всяком послушании смиренномудрия красоту показуя, непрестанно взывал еси Богу: Аллилуйя.

Икос 9

Витийство человеческое не довлеет изрещи обилие радости духовныя, еюже преисполнялся еси, отче богоносне, егда во время молитвы твоея нощныя, являшеся ти Пресвятая Богородица с ликами чинов подвижнических, и обетовании непреложными душу твою возвесели, яко присная Заступница обители твоея будет, снабдевающи и покрывающи ю по вся дни. Темже и мы сия радостная тебе приносим глаголы: Радуйся, шествовавый путем трудным и тесным: радуйся, возводяй других к Обителем небесным: Радуйся, надеждо светлая в нужде и обстоянии сущих: радуйся, покровителю сирых и крова неимущих: Радуйся, гладом погибающих питателю: радуйся, желаемых благ пришедшым к тебе подателю: Радуйся, преподобне отче наш Ионо, града Киева похвало и украшение!

Кондак 10

Спасти хотя души ученик твоих, отечески назидал еси их, богомудре, оваго действенным словом, оваго примером жития твоего, с любовию обличая и увещевая их преуспевати во благочестии и чистоте: наипаче же пред кончиною твоею, вся ко спасению душевному благопотребная заповедал еси им, и научил еси их в молитвах бодрствовати и немолчно пети Богу: Аллилуйя.

Икос 10

Стена заступления быша молитвы твоя, чудотворче святый, всем, с верою к тебе притекающым во всякой скорби, ибо чистоты ради твоея сердечныя сила духовная тебе даровася болящих исцеляти, бедствующым помогати, будущая прорицати, яко славити ближним и дальним величия Божия, в тебе явленная, и звати тебе сице: Радуйся, милости источниче неистощимый: радуйся, скорбящих утешителю незримый: Радуйся, последняя твоя взаим Богови давый: радуйся, добрым рачением и расточением сущих богатая собравый: Радуйся, досточудный образе терпения: радуйся, наставниче нелестнаго благоговения: Радуйся, преподобне отче наш Ионо, града Киева похвало и украшение!

Кондак 11

Пение всеумиленное принесл еси Пресвятей Тройце во время кончины твоея, преподобне, и молитве сущей на устех твоих, предал еси святую душу твою в руце Живаго Бога, Егоже от юности возлюбил еси, и емуже до старости маститыя работал еси нелицемерно, темже со упованием благим радостно прешел еси к обителем небесным, со Ангельскими лики пети Триипостасному Богу: Аллилуйя.

Икос 11

Мирную кончину видевше твои ученицы, великий угодниче Божий, скорбь разлучения с тобою утешением благодатным раствориша, в уповании всесильнаго предстательства твоего горе у престола Божия, идеже слышиши с любовию тебе зовущих: Радуйся, благопотребне во отечествии твоем возсиявый: радуйся, веру в делех жития твоего показавый: Радуйся, разумных и препростых благоискусный учителю: радуйся, чистоты душевныя и телесныя усердный хранителю: Радуйся, внутреннею Креста Христова красотою восхищенный: радуйся, силою свыше на труд Крестоношения облеченный: Радуйся, преподобне отче наш Ионо, града Киева похвало и украшение!

Кондак 12

Благодати причастна явися священная рака, тобою самим сооруженная, содержащая многоцелебныя мощи твоя, чудотворче святый, ихже по летех мнозих яви Господь во склепе церковнем нетленными, и паки по надруганию безбожник сокры, и паки яви в недрех земли невредимы, исцеления неоскудно источающыя, и всяк недуг врачующая силою Бога, дивнаго во Святых Своих дивно же прославльшаго тя на небеси и на земли, Емуже воспеваем: Аллилуйя.

Икос 12

Поюще радостную песнь хвалы и благодарения Человеколюбцу Богу, Прославльшему тя в земли Русстей чудотворца дивнаго и милостиваго, молим тя, преподобне отче наш Ионо: буди ходатай к Нему и молитвенник присный о нас, зовущих ти: Радуйся, стрелами вражиих навет неуязвимый: радуйся, спасаемых вождю непобедимый: Радуйся, и по отшествии обитель твою соблюдаяй: радуйся, молящимся благопотребная подаваяй: Радуйся, от Господа венец правды восприявый: радуйся, славою чудотворений просиявый: Радуйся, преподобне отче наш Ионо, града Киева похвало и украшение!

Кондак 13

О великий и преславный чудотворче, преподобне отче наш Ионо! Милостиво прияв сие малое моление наше, молитвами твоими сохрани нас от недугов душевных и телесных в жизни сей, и от грядущих мучений вечных избави, и сподоби нас вкупе с тобою во Царствии Небеснем выну пети Богу: Аллилуйя.

Сей кондак глаголи трижды.

Посем Икос 1-й и Кондак 1-й.

Молитва

О священная главо, ангеле земный и человече небесный, преподобне и богоносне отче наш Ионо, изрядный угодниче Пресвятыя и Единосущныя Троицы, являющий многия милости живущим во святей обители твоей, и всем, с верою и любовию притекающим к тебе. Испроси нам вся благопотребная к житию сему временному, и нужная к вечному спасению нашему. Пособствуй предстательством твоим, угодниче Божий, всем нам, к мощем твоим святым припадающим, на враги видимыя и невидимыя одоление, да в мире глубоце пребудет Святая Православная Церковь Христова, и в благоустроении зиждется обитель, юже ты основа, во всяком благочестии нерушимою. Буди всем нам, чудотворче святый, помощник скорый во всякой скорби и обстоянии. Наипаче же в час кончины нашея явися нам заступник благосердый, да не предани будем на мытарствах воздушных власти злобнаго миродержца, но да сподобимся непреткновеннаго восхода в Царствие Небесное. Ей, отче молитвенниче наш присный! Не посрами упования нашего, не презри смиренная моления наша, и предстательствуй за нас пред престолом Живоначальныя Троицы, да сподобимся вкупе с тобою и со всеми святыми мы, недостойнии, в селениих райских славити величие, благодать и милость единаго в Троице Бога, Отца и Сына и Святаго Духа во веки веков.

новости

19.03.17 Соборование в Свято-Преображенском скиту в с. Нещеров будут совершаться по окончании Божественной Литургии 12 марта, 19 марта, 26 марта и 2 апреля.

07.03.17 В среды, 8 и 15 марта, в нашем монастыре Литургия Преждеосвященных Даров будет совершена по древней богослужебной практике вечером, то есть во время, предписанное Уставом (так как её положено совершать после Вечерни).

01.03.17 Соборования в монастыре будут совершаться:

все новости »»

Миссионерская и просветительская деятельность монастыря, а также его реставрация нуждается в вашей поддержке. Желающим помочь просьба перечислять средства на карточку Приватбанка 5457082237090555.



Расписание богослужений

Сегодня: 25.03.17. Суббота. Свт. Софрония Иерусалимского. Поминовение усопших.
7.40 Литургия Иоанна Златоуст. и Панихида.
16.00 Всенощное бдение.

Завтра: 26.03.17. Воскресение. Неделя 4-я Великого Поста. Преподобного Иоанна Лествичника.
6.45 Литургия Василия Вел.
9.00 Литургия Василия Вел.
16.00 Вечерня со Входом и малое Повечерие.

на всю седмицу »»


Рекомендуем посетить:

Официальный веб-сайт
Фотолiтопис
Фестиваль «Братья»
donor.org.ua

еще ссылки »»

обитель пещеры издательство фотогалерея вопрос священнику

© Свято-Троицкий Ионинский монастырь
e-mail редакции: site@iona.kiev.ua

Rambler's Top100 Каталог Православное Христианство.Ру